“Real Madrid” “Liverpul”un fransız müdafiəçisi İbrahima Konateni transfer etmək istəyir.

Mis.az xəbər verir ki, bu barədə futbolçunun özü açıqlama verib. Konate bildirib ki, onun milli komandadakı yoldaşı Kilian Mbappe onun “Real”a transfer olmasını istəyir. Konate Mbappenin transferlə bağlı onunla əlaqə saxladığını ifadə edib.

Qeyd edək ki, İbrahima Konatenin “Liverpul”la müqaviləsi mövsümün sonunda yekunlaşır. Tərəflər yeni müqavilə barədə hələlik razılığa gələ bilməyib. Dayot Upamekano və Mark Qehi kimi müdafiəçilərin adları da “Real Madrid”lə hallanır.