Apple istifadəçiləri üçün "iCloud" hesabı, cihazlar arasında məlumatların sinxronizasiyası və təhlükəsiz saxlanması baxımından əvəzsiz bir xidmətdir. Lakin bəzi hallarda istifadəçilər iCloud hesablarını bağlamaq və ya cihazdan çıxış etmək qərarına gələ bilərlər. Bu addımın cihazın fəaliyyətinə və məlumatların təhlükəsizliyinə təsiri barədə məlumatlı olmaq vacibdir.

Mis.az xəbər verir ki, "iCloud" hesabının cihazdan çıxarılması və ya bağlanması aşağıdakı təsirlərə səbəb ola bilər:

"Find My iPhone" funksiyasının deaktiv olması: Bu funksiya cihazın itirilməsi və ya oğurlanması halında onun yerini müəyyən etməyə imkan verir. "iCloud" hesabı bağlandıqda bu funksiya deaktiv olur, bu da cihazın təhlükəsizliyini azaldır.

Aktivasiya kilidinin aradan qalxması: "iCloud" hesabı bağlandıqda, cihazın sıfırlanması və ya yenidən qurulması zamanı "Apple ID" və parol tələb olunmur. Bu, cihazın başqaları tərəfindən istifadəsini asanlaşdırır və təhlükəsizlik risklərini artırır.

"iCloud" ehtiyat nüsxələrinin dayandırılması: Cihazın məlumatları (şəkillər, kontaktlar, sənədlər və s.) artıq "iCloud"da avtomatik olaraq yedəklənməyəcək. Bu, məlumatların itirilməsi riskini artırır.

"iCloud" xidmətlərinin əlçatmaz olması: "iCloud Drive", "iCloud Photos", "Mail" və digər "iCloud"" xidmətləri artıq istifadə edilə bilməz.